செப்பேடுகள்

சிவன்

2010-05-14T20:21:00.000+05:30

நஞ்சுண்ட நாயகனை,
நடராஜப் பெருமனை,
நாரணனும் நான்முகனும்
அளந்திடாத ஜோதியை
அடியேனும் பணிந்தேன் !!!

காமனை எரித்தோனை,
கங்கையை சூடிய -
காலனின் காலனை,
காலசம்ஹார மூர்த்தியை
பாதத்தில் சரண்புகுந்தேன் !!!

சிவகாமி நேசனை,
தில்லையுள் கூத்தனை,
விண்ணோரும், மண்ணோரும்,
சிரம்தாழ்த்திப் பணியும்
சிவனை பணிந்தேன் !!!

நீலகண்ட மூர்த்தியை,
விடையேறும் வேதியனை,
விடமுண்ட விமலனை,
பிட்டுக்கு மண்சுமந்த
பித்தனின் தாள்பணிந்தேன் !!!

பிறைசூடிய பெருமானை,
பிச்சாடன மூர்த்தியை,
பாம்பணிந்த பரமனை,
பிரம்மனை எரித்த
பரமசிவன் தாள்பணிந்தேன் !!!

எந்தை ஈசனை,
எம்சிந்தை கவர்ந்தோனை,
வெண்சடை தரித்த
ஏகன் தாளன்றி
வேறெவர் தாள்பணிய ???

வெள்ளை ரோஜா

2010-03-11T16:43:00.006+05:30

மனிதனிடம் மனிதம்
மடிந்ததினால் வெள்ளை
உடை உடுத்தி நீ விதவை ஆனாயோ???

பல வருடங்களுக்கு முன் ஒரு கவிதை போட்டியின் போது எழுதியது. வெள்ளை ரோஜா என்னும் தலைப்பு கொடுத்து பதினைந்து நிமிடத்திற்குள் கவிதை எழுதி தரவேண்டும் என்பது தான் போட்டியின் விதி... சில நிமிடத்திற்குள் என்னால் எழுத முடிந்தது இந்த முன்றே வரிகள் தான்.. இந்த கவிதைக்கு இரண்டாம் பரிசு தந்தார்கள்... எழுதியவன் நான் ஆனால் பரிசு வாங்கியவர் வேறு ஒருவர். இந்த போட்டி இரண்டு சுற்றுகள் கொண்டது. முதல் சுற்றில் அனைவரும் அடுத்தவரிடம் கவிதையை கடன் வாங்கி வந்திருந்ததால். இரண்டாம் சுற்றை சஸ்பென்சாக வைத்திருந்தோம். என் நண்பர் ஒருவர் முதல் சுற்றில் கடனாய் பெற்ற கவிதையின் புண்ணியத்தால் இரண்டம் சுற்றில் நுழைந்தார். இரண்டாம் சுற்றில் கவிதை எழுத முடியாமல் திணறிய அவர் என் உதவியை நாட நான் எழுதிய வரிகள் இவை. போட்டியின் அமைப்பாளர்களில் ஒருவனுடைய கவிதைக்கே பரிசு கிடைத்த கொடுமை முதல் முறை நடந்தது...

பின் குறிப்பு : எல்லோருக்கும் வரக்கூடிய சந்தேகங்கள் மற்றும் அதற்கான விளக்கமும் கீழே கொடுக்கப்பட்டுள்ளது .

1 . நீங்கள் நினைப்பது போல பரிசுக்கான கவிதையை தேர்ந்தெடுக்கும் குழுவில் நான் இருக்கவில்லை. ( நான் ரொம்ப நல்லவனுங்கோ...)

2 . நீங்கள் நினைப்பது போலஅந்த நண்பர் பெண்தான். ( ஆணாக இருந்திருந்தாலும் நான் கவிதை எழுதி கொடுத்திருப்பேன்...)

மனிதன்

2010-02-08T15:57:00.002+05:30

கடவுள் மறதியில்
படைத்துவிட்ட இரண்டுகால் மிருகம் !!!

சென்ற வாரம் ஊருக்கு சென்ற போது, உறக்கம் வராமல் யோசித்துக் கொண்டிருந்த போது தோன்றிய எண்ணம்...

ஹைக்கூ

2010-01-09T10:28:00.006+05:30

அமெரிக்க ஜனாதிபதியாய்
தமிழறிஞர் கலைஞர் இருந்திருந்தால் ???
ஆங்கில புத்தாண்டை ஏப்ரல் ஒன்றாம் தேதிக்கு
மாற்றி இருப்பார் !!!

புத்தாண்டு அன்று அனைவரும் வாழ்த்து கூறுகையில்...
எனக்கு ஏற்பட்ட விபரீத கற்பனை...
கிறுக்கினேன் கவிதையானது...
அதை இங்கேயும் கிறுக்குகிறேன் ...

கிடைப்பான இன்னொரு பாரதி

2009-12-11T16:00:00.004+05:30

பாரதியின் பிறந்தநாள் அன்று மகாகவியின் மீது உள்ள பற்றின் காரணமாய் கிறுக்கியது...

முன்டாசை தலையில் கட்டி,
மீசையை முறுக்கி விட்டால்,
காட்சிக்கு கிடைத்திடுவான் ஒரு பாரதி!!
கவிபாட கிடைப்பான இன்னொரு பாரதி??

வசனங்கள் எழுதித்தந்து,
குரலிலே ஆண்மை சேர்த்தால் ,
செவிக்கு கிடைத்திடுவான் ஒரு பாரதி!!
வார்த்தைகளால் வெடிகள் வீசி,
கவிதைக்கு கந்தகம் பூசி,
நெஞ்சுக்குள் நெருப்பு
ஏற்றிட கிடைப்பான இன்னொரு பாரதி??

நான் - 7

2009-11-17T15:26:00.000+05:30

என்னை புதைக்க
குழி தோண்டுபவர்களுக்கு
எப்படி சொல்வது
நான் விதை என்று ???

தீபாவளி

2009-10-12T14:27:00.006+05:30

ஆசையாய் உறவினர் அனைவரும்
அவரவர் துணிகளை
ஆராய்ச்சி செய்தவண்ணம் - தீபாவளி
பண்டிகையை கொண்டாட...
அதற்கு காரணமான அவன்
மட்டும் ஓரமாய் சிந்தனையோடு
அமர்ந்திருந்தான்....
அவனுக்கு மட்டும் தீபாவளி - DEEPஆனா - வலியாய் தெரிந்தது ...

நான் - 6

2009-10-06T15:53:00.000+05:30

என்னை எரிக்க தீக்குச்சி
கொண்டு வந்தவர்களுக்கு
எப்படி புரியவைப்பது
நான் நெருப்பு என்று ???

கவிஞன்

2009-09-15T17:04:00.003+05:30

வார்த்தைகளால் வலியினை
வாசிக்கத்தெரிந்த வித்தகன் !!!

ஆசிரியர் தினம்

2009-09-03T12:23:00.002+05:30

ஆசிரியர் தினம் கொண்டாட
அனைவரிடமும் ஐந்து ருபாய் வசுல்செய்த
ஆசிரியர் தான்மட்டும் கொண்டாடினார்
தனியாய் - டாஸ்மாக்கில் ...

ஐயகோ... பாரதி இதுவா நீ கண்ட கனவு???

2009-08-21T14:08:00.008+05:30

'பள்ளி தலமனைத்தும் கோவில் செய்குவோம்' என்றான்
மகாகவி பாரதி !
'மகாகவி பாரதியின்
கனவை மெய்யாக்குகிறோம்' என்று கூறிக்கொண்டு
அனைத்து
கல்வி நிறுவனங்களும்
ஆரம்பித்துவிட்டன உண்டியல் குலுக்குவதையும்,
நிதிவசூலிப்பதையும் ஆரம்பித்துவிட்டன...

போதி மரம்

2009-08-19T10:23:00.002+05:30

அவள் வருகைக்காக
நான் காத்திருக்கும் பேரூந்து
நிறுத்தமே என் போதி மரம் !!!

நான் -5

2009-08-10T11:16:00.001+05:30

என்னை அணைக்க சருகுகள்
கொண்டு வந்தவர்களுக்கு
எப்படி புரியவைப்பது
நான் சூரியன் என்று ???

பெம்மானே பேருலகின் பெருமானே - பாடல் வரிகள்...

2009-07-24T15:07:00.001+05:30

ஆயிரத்தில் ஒருவன் படத்தில் இன்னோர் பாடல் ... நான் கேட்டுக்கொண்டே இருக்கும் பாடல்... வைரமுத்து ஒருவரால் மட்டுமே இவ்வாறு எழுத முடியும்...

பெம்மானே பேருலகின் பெருமானே - பாடல் வரிகள்...

பெம்மானே பேருலகின் பெருமானே
ஆண்ட இனம் மாண்டழிய அருள்வாயோ
வெய்யோனே ஏனுருகி வீழ்கின்றோம்
வெந்தழிந்து மாய்கின்றோம் விதிதானோ
புலம்பெயர்ந்தோம் பொலிவிழந்தோம் புலன்கழிந்தோம்
அழுதழுது உயிர்கிழிந்தோம் அருட்கோனே (பெம்மானே)

சோறில்லை சொட்டு மழை நீரில்லை
கொங்கையிலும் பாலில்லை கொன்றையோனே
மூப்பானோம் முன் வளைந்து முடமானோம்
மூச்சு விடும் பிணமானோம் முக்கணோனே
ஊன் தேய்ந்தோம் ஊனுருகி உயிர் ஓய்ந்தோம்
ஓரிழையில் வாழ்கின்றோம் உடைய கோனே
ஆண்ட இனம் மாண்டழிய அருள்வாயோ
பெம்மானே பேருலகின் பெருமானே
ஆண்ட இனம் மாண்டழிய அருள்வாயோ
வெய்யோனே ஏனுருகி வீழ்கின்றோம்
வெந்தழிந்து மாய்கின்றோம் விதிதானோ
புலம்பெயர்ந்தோம் பொலிவிழந்தோம் புலன்கழிந்தோம்
அழுதழுது உயிர்கிழிந்தோம் அருட்கோனே (பெம்மானே)

சோறில்லை சொட்டு மழை நீரில்லை
கொங்கையிலும் பாலில்லை கொன்றையோனே
மூப்பானோம் முன் வளைந்து முடமானோம்
மூச்சு விடும் பிணமானோம் முக்கணோனே
ஊன் தேய்ந்தோம் ஊனுருகி உயிர் ஓய்ந்தோம்
ஓரிழையில் வாழ்கின்றோம் உடைய கோனே

நீராகி ஐம்புலனும் வேறாகி
பொன்னுடலம் சேறாகி போகமாட்டோம்
எம்தஞ்சை யாம்பிறந்த பொன்தஞ்சை
விரலைந்தும் தீண்டாமல் வேகமாட்டோம்
தாழ்ந்தாலும் சந்ததிகள் வீழ்ந்தாலும்
தாய்மண்ணில் சாகாமல் சாகமாட்டோம்

பொன்னார் மேனியனே வெம் புலித்தோல் உடுத்தவனே
இன்னோர் தோல் கருதி நீ எம் தோல் உரிப்பதுவோ
முன்னோர் பாற்கடலில் அன்று முழு நஞ்சுண்டவனே
பின்னோர் எம்மவர்க்கும் நஞ்சு பிரித்து வழங்குதியோ

பெம்மானே பேருலகின் பெருமானே
ஆண்ட இனம் மாண்டழிய அருள்வாயோ

பொன்னார் மேனியனே வெம் புலித்தோல் உடுத்தவனே
இன்னோர் தோல் கருதி நீ எம் தோல் உரிப்பதுவோ
முன்னோர் பாற்கடலில் அன்று முழு நஞ்சுண்டவனே
பின்னோர் எம்மவர்க்கும் நஞ்சு பிரித்து வழங்குதியோ

பெம்மானே பேருலகின் பெருமானே
ஆண்ட இனம் மாண்டழிய அருள்வாயோ

*திரைப்படம்: ஆயிரத்தில் ஒருவன்
இசை: G V பிரகாஷ்
இயற்றியவர்: வைரமுத்து
பாடியவர்கள்: பாம்பே ஜெயஸ்ரீ , P.B. ஸ்ரீநிவாஸ்*

தாய் தின்ற மண்ணே - பாடல் வரிகள்...

2009-07-23T18:05:00.001+05:30

சமிபத்தில் தான் ஆயிரத்தில் ஒருவன் படப்பாடல்களை கேட்க என் வேலை பளு இடம் கொடுத்தது... நான் செல்வ ராகவன் படங்களை விரும்பி பார்ப்பவன்... வழக்கமாக நா.முத்துக்குமார் தான் பாடல்களை எழுதுவர்... இந்த முறை வைரமுத்துவின் வைரமான வரிகளில் வந்த இந்த பாடல் என் மனதில் பல தாக்கத்தை ஏற்படுத்தியது... " தாய் தின்ற மண்ணே " பாடலின் வரிகள்...

தாய் தின்ற மண்ணே
இது பிள்ளையின் கதறல்
ஒரு பேரரசன் புலம்பல்

தாய் தின்ற மண்ணே
பிள்ளையின் கதறல்
ஒரு பேரரசன் புலம்பல்

நெல்லாடிய நிலமெங்கே?
சொல்லாடிய அவையெங்கே?
வில்லாடிய களமெங்கே?
கல்லாடிய சிலையெங்கே?

தாய் தின்ற மண்ணே
தாய் தின்ற மண்ணே

கயல் விளையாடும் வயல் வெளி தேடி
காய்ந்து கழிந்தன கண்கள்
காவிரி மலரின் கடிமணம் தேடி
கருகி முடிந்தது நாசி

சிலை வடி மேவும் உளி ஒலி தேடி
திருகி விழுந்தன செவிகள்
ஊன் பொதி சோற்றின் தேன் சுவை கருதி
ஒட்டி உலர்ந்தது நாவும்

புலிக் கொடி பொறித்த சோழ மாந்தர்கள்
எலிக் கறி பொறிப்பதுவோ?
காற்றை குடிக்கும் தாவரமாகி
காலம் களிப்பதுவோ?மண்டை ஓடுகள் மண்டிய நாட்டை
மன்னன் ஆளுவதோ?
மன்னன் ஆளுவதோ?

தாய் தின்ற மண்ணே
தாய் தின்ற மண்ணே

நொறுங்கும் உடல்கள்
பிதுங்கும் உயிர்கள்
அழுகும் நாடு
அழுகின்ற அரசன்

பழம் தின்னும் கிளியோ?பிணம் தின்னும் கழுகோ?
தூதோ? முன் வினை தீதோ?
களங்களும் அதிர களிறுகள் பிளிற
சோழம் அழைத்து போவாயோ?
தங்கமே என்னை தாய் மண்ணில் சேர்த்தால்
புரவிகள் போலே புரண்டிருப்போம்
ஆயிரம் ஆண்டுகள் சேர்ந்த கண்ணீரை
அருவிகள் போலே அழுதிருப்போம்

அதுவரை..

தமிழர் காணும் துயரம் கண்டு
தலையை சுற்றும் கோளே.. அழாதே!
என்றோ ஒரு நாள் விடியும் என்றே
இரவை சுமக்கும் நாளே.. அழாதே!
நூற்றாண்டுகளின் துருவை தாங்கி
உறையில் தூங்கும் வாளே.. அழாதே!
எந்தன் கண்ணின் கண்ணீர் கழுவ
என்னோடழும் யாழே.. அழாதே!

நெல்லாடிய நிலமெங்கே?
சொல்லாடிய அவையெங்கே?
வில்லாடிய களமெங்கே?
கல்லாடிய சிலையெங்கே?

தாய் தின்ற மண்ணே
இது பிள்ளையின் கதறல்
ஒரு பேரரசன் புலம்பல்

வறுமை ...

2009-07-13T12:16:00.004+05:30

எரிபொருள் இன்றியும்
ஏழையின் வயிற்றில்
எரியும் அணையா நெருப்பு...

நான் - 4

2009-07-08T18:17:00.001+05:30

என்னை பிடிக்க சிலந்திவலை
கொண்டு வந்தவர்களுக்கு
எப்படி சொல்ல
நான் திமிங்கலம் என்று ???

படித்ததில் பிடித்தது

2009-06-30T12:14:00.001+05:30

நான் - 3

2009-06-29T16:07:00.003+05:30

எவரெஸ்டில் ஏறிட
ஏணிகள் தேடுபவர்களுக்கு
எப்படி புரியவைப்பேன்
நான் வானம் என்று ????

நான் - 2

2009-06-23T17:58:00.002+05:30

விளக்கில் வீழ்ந்து மடியும்
விட்டில்புச்சி என்று நினைக்கும்
வீணர்களுக்கு எப்படி புரியவைப்பேன்,
வானவேளிக்கே வெளிச்சம் தரும்
விடிவெள்ளி நான் என்று???

நான் - 1

2009-06-18T18:30:00.005+05:30

வேலைக்காக வெளிநாடுகளுக்கு விற்கப்பட்ட
வீணர்கள் பட்டியலில்
இடம்பிடிக்க தவறிய துரதிஷ்டசாலி நான்!!!

அறிமுகம் - என் முதல் பதிப்பு

2009-06-17T15:02:00.003+05:30

ஒரு தமிழ் வலை பதிவை ஆரம்பிக்க வேண்டும் என்று பல வருடங்களாக எனக்கு ஆசை, இன்று அந்த ஆசைக்கு உயிர் தந்திருக்கிறேன்... எளிதாக தமிழில் எழுத உதவிய கூகுளுக்கு என் மனமார்ந்த நன்றிகள். நான் இந்த வலை பதிவுக்கு செப்பேடுகள் என்ன பெயரிட முக்கிய கரணம் இது காலத்தின் பதிவுகளை, வரும் காலங்களுக்கு காத்துநிற்கும் செப்பேடுகளுக்கு இணையாக இருக்கவேண்டும் என்பதற்காகவே.

என்னை பற்றி :

என்னை பற்றி சொல்லும் அளவுக்கு இன்னும் நான் பெரிதாக எதுவும் சாதித்துவிடவில்லை. ஒரு நடுத்தர குடும்பத்தில் பிறந்து, வாழ்கையின் உயரத்தை நோக்கி பயணிக்கும் ஒரு சாதரண இளைஞன். கண்களில் கனவுகளை சுமந்துகொண்டு தூக்கத்தை தொலைத்துவிட்டு, சில கொள்கைகளுக்காக வாழும் ஒரு சாதாரண மனிதன். தூய தமிழில் சொல்லவேண்டுமானால் "பிழைக்க தெரியாதவன்".

நான் ஒரு மின்னணுவியல் மற்றும் கருவியியல் பொறியாளன், தற்போது ஒரு இந்திய நிறுவனத்தில் பொறியாளனாக பணியாற்றிக் கொண்டு இருக்கிறேன். தற்சமயம் நான் வசிப்பது பெங்களுருவில், நான் பிறந்தது பெங்களுருவில், வளர்ந்தது மஞ்சள் மாநகரான ஈரோட்டில். ஒரு சாதாரண பள்ளியில் படித்து, கனவிலும் நினைக்காத பொறியியல் படிப்பு முடித்து, இரண்டு சர்வதேச நிறுவனத்தில் மற்றும் ஒரு இந்திய சர்வதேச நிறுவனத்தில் வேலை பெற்று, "ஒரு இந்திய நிறுவனத்திற்கு மட்டுமே வேலை செய்வேன்" எனும் கொள்கையின் காரணமாய் மற்ற இரண்டு சர்வதேச நிறுவனத்தின் வேலை வாய்ப்புகளை விட்டுவிட்டு, இந்திய சர்வதேச நிறுவனத்தில் சேர்ந்தவன்.

என்றாவது ஒருநாள் இந்த தேசத்தை மாற்ற வாய்ப்பு கிடைக்கும் என காத்துஇருப்பவர்களுள் ஒருவன். காசுக்கு கல்வியை விற்கும் மற்றும் வாங்கும் கயவர்களுக்கு இடையில் மாட்டிகொண்டு, மீள வழிதேடி தவிக்கும் ஒரு படித்த பாமரன். பொரியல் செய்ய கூட தெரியாத பொறியாளர்களை உருவாக்கும் புண்ணிய பூமி பெற்றெடுத்த சில உண்மையான பொறியாளர்களில் ஒருவன்...

இனி இந்த வலை பதிவில் சந்திப்போம்.